Мерц: Путин води хибридна војна против Германија

Канцеларот Фридрих Мерц го обвини рускиот претседател Владимир Путин за водење хибридна војна против Германија и план за уривање на европскиот политички поредок.

„Тој води информациска војна против нас. Тој води војна против Украина и оваа војна е насочена против сите нас“, изјави Мерц за телевизијата НТВ.

Затоа ја поддржуваме Украина“, рече тој, додавајќи дека Германија има интерес да го заштити европскиот политички поредок на отворени либерални општества.

Кога директно беше прашан дали Путин води војна против Германија, Мерц рече: „Тој води хибридна војна против нас“.

„Знаеме со што се заканува“, рече канцеларот кога беше прашан за честите инциденти со беспилотни летала во Европа и Германија. Целта на Путин, рече тој, е да заплаши и исплаши.

„Нема да го дозволиме ова и ефикасно ќе се одбраниме од заканата“, рече Мерц.