Метео аларм: Силен северен ветер над 60 км/ч денеска во Повардарието и на истокот

Управата за хидрометеоролошки работи (УХМР) издаде метео аларм за денеска, 28 декември 2025 година, поради појава на засилен до повремено силен ветер од северен правец, кој на одредени места ќе надмине 60 километри на час.

Како што информира УХМР, најсилни удари на ветерот се очекуваат долж Повардарието и во источните делови од земјата.

Надлежните апелираат на зголемена внимателност, особено во сообраќајот, како и при престој на отворен простор, поради можност од паѓање на предмети и оштетувања.

Извор: 4news.mk