Мицкоски со пратениците во вила Водно на средба со Пендаровски
Лидерот на ВМРО-ДПМНЕ, Христијан Мицкоски и дел од пратениците, попладнево се на средба со претседателот Стево Пендаровски, за да слушнат лично од него зошто му го дал мандатот на Заев.
Мицкоски на прес-конференција денеска најави дека ќе оди да бара одговор од шефот на државата, оти според него, давањето мандат без докази за обезбедено мнозинство значи кршење на Уставот. Тој смета дека денешното врачување на мандатот е за Заев да добие време во следните 20 дена да врши непренципиелен и нехуман притисок врз пратеници за обезбедување мнозинство.
Како што јавуваат дел до медиумите, Пендаровско ги примил Мицкоски и дел од пратениците и средбата е во тек.
Неделава од Кабинетот на претседателот соопштија дека со верификување на мандатите на пратениците, тече уставниот рок од 10 дена за доделување на мандатот. Пендаровски се повика и на известувањата од претходниците на Џафери, Стојан Андов (од 2006) и Трајко Вељаноски (2016) со кои тие го информираат претседателот на државата дека Собранието е конституирано со верификација на мандатите и тече рокот за доделување мандат за составување влада.
Пендаровски денеска, на ден пред истекот на рокот, му го даде мандатот на лидерот на СДСМ, Зоран Заев. Како што соопштија од Кабинетот на претседателот, шефот на државата има сознанија за досегашниот тек на преговорите за формирање мнозинство кои сè уште не се финиширани со договор.