Млада Британка починала на одмор во Турција, од семејството тврдат дека во болница ѝ било отстрането срцето

Туристка од Британија починала на семеен одмор во Турција, а нејзиното тело било вратено на семејството без срце, објавува УНИЛАД.

Настанот се случил пред околу еден месец, кога семејството Мартин заминало на семеен одмор. Откако се разболела за време на патувањето во Турција, 28-годишната Бет Мартин починала ден по слетувањето, оставајќи го сопругот Лук и дветге деца.

Нејзиното тело било вратено во Велика Британија, а таму обдукцијата утврдила дека и било извадено срцето. Семејството тврди дека болницата го задржала и бара одговори за случајот.

Бет била од Портсмут, Велика Британија, и била во брак со Лук, со кого имала две мали деца. Во недела, на 27 април, семејството отпатува за Истанбул на одмор.

За време на патувањето, Бет почнала да се чувствува лошо. Таа успеа да се наспие ноќта кога пристигнаа, но следниот ден имаше треска, а Лук се мачеше да добие медицинска помош поради јазичната бариера. Конечно пристигнала брзата помош за да ја однесе во болница, додека Лук и нивните две деца ги следеле во такси.

Семејството тврди дека Бет не била своја и била исплашена, но Лук немал друг избор освен да им верува на лекарите дека знаат што прават и дека ќе се грижат за неа. Сепак, тоа беше последен пат кога Лук и нивните деца ја видоа Бет жива.

Во текот на ноќта во понеделник (28 април), состојбата на Бет се влошила и таа била префрлена на одделението за интензивна нега. На Лук му беше забрането да ја гледа, и немал никакви вести за нејзината состојба.

Потоа од болницата му кажале дека имала проблеми со срцето. Семејството успеало да ја пронајде нејзината соба, но и натаму не можеле да ја видат, а во меѓувреме Лук бил испрашуван од полицијата во хотелот, без преведувач, односно со персонал од хотелот. Тој наводно бил осомничен за труење на својата сопруга.

За време на испрашувањето, тој бил принуден да потпише документ кој подоцна бил преведен и во кој било наведено дека Бет починала околу 9 часот наутро. Потоа добил телефонски повик од болницата со кој ја потврдиле смртта на Бет.

По уште еден разговор со полицијата, Лук беше ослободен од обвинението за труење и информиран дека нема да се преземат понатамошни мерки против него. Откако претходно му беше забрането да ја види Бет, конечно му беше дозволено да го види нејзиното тело во мртовечницата, на една минута.

Осигурителната компанија понудила да го транспортира телото на Бет дома кај семејството, но рекла дека тоа може да потрае со недели, па затоа Лук потрошил илјадници евра за самиот да организира транспорт на нејзиното тело со авион.

Децата и остатокот од семејството кои допатувале веднаш во Истанбул, се вратиле во Британија во неделата на 4. мај, додека Лук отпатувал дома со телото на Бет два дена подоцна. Потоа нејзиното тело било прегледано од британски форензички лекари, кои утврдиле дека и недостасува срцето. Турската болница не понудила објаснување за оваа ситуација.

Турското министерство за здравство тврди дека Бет починала од срцев удар и поради откажување на неколку органи

„Пациентот е евидентиран во болничката евиденција како форензички случај, во согласност со изјавата на сопругот дека можеби се отрул од храна што ја јадел во нивната земја пред патувањето и во согласност со првичните наоди“, се вели во соопштението.

Во болницата била извршена прелиминарна обдукција без засеци, во согласност со постапката и на барање на сопругот.

Болницата моментално е под истрага за медицинска небрежност во врска со смртта на Бет. Во меѓувреме, англиските медицински испитувачи велат дека може да им бидат потребни до шест месеци за да утврдат што предизвикало откажување на нејзините органи (tv21)