Москва „генерално задоволна“ од преговорите во Истанбул, договорена размена на илјада воени затвореници

Москва е генерално задоволна од резултатите од состанокот со Украина и контактите ќе продолжат, изјавил шефот на руската делегација по завршувањето на денешниот состанок во истанбул, јави Анадолија.

Според агенцијата, Русија и Украина на состанокот договориле размена на по илјада воени заробеници, што е најголема размена од почетокот на војната, изјавил украинскиот министер за одбрана Рустем Умеров.

– Разговаравме за прашањето за прекин на огнот. И за прашањето за размена на затвореници. Резултатот е размена на 1.000 лица за 1.000. Тоа е резултатот од нашата средба, изјавил Умеров, пренесува Би-Би-Си.

Тој додал дека датумот на размена е утврден, но нема да биде објавен јавно.

Умеров исто така рекол дека е разговарано за потенцијална средба меѓу Володимир Зеленски и Владимир Путин и оти наскоро ќе биде објавено соопштение за можна нова рунда разговори

Разговарани се и „сите модалитети“ за прекин на огнот, додал Умеров