МЗ: Оценети сме како најподготвена земја во регионот за прием на вакцините од КОВАКС механизмот

25.12.2020 15:56

604 Читање помалку од 1м

Откако СЗО во изјава за „Фокус“ посочи дека кога ќе стигнат вакцините во Македонија преку КОВАКС механизмот, освен од достапноста на дозите, зависи и од подготвеноста на земјата, од Министерство за здравство велат дека нашата државата е оценета како како прва во регионот по подготвеност за прием на вакцините против Ковид 19.

-Нашата земја е рангирана како прва во регионот по подготвеност за прием на вакцините против Ковид 19. Изминатиов период од страна на нашата земја беа доставени информации и податоци за подготовките на нашиот здравствен систем како и другите институции во процесот на спроведување на вакцинацијата. За вакцинација против Ковид 19, ќе ја користиме постоечката, функционална и одлично поставена здравствена инфраструктура каде досега се одвива вакцинацијата. УНИЦЕФ ќе ја врши диструбуцијата на вакцините од производителите до нашата земја. Во земјава пак економските оператоти со кои и досега работи МЗ ќе ја чуваат и дистрибуираат вакцината до вакциналните пунктови и болниците. Обезбедени се ладни соби, комори, фрижидери и возила со ладнилници за транспорт на вакцините кои бараат соодветна температура за чување, како би се запазил „студениот синџир“, објаснуваат од Министерството за здравство за „Фокус“.