На Табановце запленети половина милион евра во бункер во минибус

Историска заплена на Царинската управа на Македонија – на Граничниот премин Табановце во минибус биле пронајдени и одземени околу половина милион евра, скриени во специјално изработен бункер во возилото.

Директорот на Царинската управа, Бобан Николовски, информираше дека девизите биле откриени со помош на скенер, кој покажал преправки на минибусот.

– Девизите и возилото се трајно одземени, а сторителот е државјанин на Албанија. За случајот веќе е донесена судска пресуда од Основниот суд во Куманово. Минибусот е сопственост на туристичка агенција од Албанија, а во него биле превезувани седум патници – изјави Николовски.