Над 90 отсто од хоспитализираните со Ковид-19 во Грција се невакцинирани

07.06.2021 19:49
799 Читање помалку од 1м
epa08381571 Paramedics of the Greek National Emergency Ambulance Service (EKAV) wearing protective gear prepare to transport an elderly patient suffering from the pandemic COVID-19 disease caused by the SARS-CoV-2 coronavirus from a private clinic to a public hospital in Athens, Greece, 24 April 2020. At least 37 of the 226 patients and employees at the private clinic in Peristeri, Attica, have tested positive for coronavirus, according to Greek health authorities. Of the 37, 17 are clinic employees who remain quarantined at home. Meanwhile, the patients who tested positive are being transferred to public healthcare facilities. EPA-EFE/PANTELIS SAITAS

Над 90 отсто од лицата, кои со Ковид-19 се примаат во болниците и на Одделите за интензивна нега се невакцинирани, истакна претседателката на националната комисија за вакцинација Мариа Теодориду на денешната редовна прес конференција за процесот на имунизација во Грција, јави дописничката на МИА од Атина.

Теодориду додаде дека кај дел од граѓаните над 60 години, се констатира незаинтересираност за вакцинација.

Според податоците што попладнево ги соопшти генералниот секретар во Министерството за здравство на Грција Мариос Темистоклеус, од почетокот на вакцинацијата во земјата, аплицирани се 6.225.000 дози.

– Денеска ја надминавме бројката од четири милиони граѓани кои се вакцинирани со една доза, односно 38,1 отсто, а 2.350.000 наши сограѓани целосно завршија со вакцинацијата, што е 22,4 проценти, објасни Темистоклеус.

Во однос на старосните групи, 71 отсто од граѓаните над 60 години се вакцинирани со најмалку една доза, а заедно со закажаните термини, достигнува до 74,3 проценти.

Back to top button
Close