НБА: Чикаго со најдобар сезонски старт од 1996

Кошаркарите на Чикаго дојдоа до својата петта победа по ред од почетокот на сезоната во НБА лигата, совладувајќи го изминатата ноќ Њујорк со 135-125.

Џош Гиди постигна 32 поени, што е негов личен рекорд, а Никола Вучевиќ додаде 26 поени за Чикаго, кој го има својот најдобар почеток на сезоната од 1996 година.

Словенецот Лука Дончиќ, кој се врати на теренот по пауза од три натпревари поради повреда, го предводеше Лос Анџелес Лејкерс до триумф над Мемфис Гризлис со 117-112.

Дончиќ беше најдобриот поединец во победничкиот тим со 44 поени, 12 скокови и шест асистенции.

Резултати:

Кливленд – Торонто 101 – 112

Индијана – Атланта 108 – 128

Филаделфија – Бостон 108 – 109

Чикаго – Њујорк 135 – 125

Феникс – Јута 118 – 96

Мемфис – ЛА Лејкерс 112 – 117

ЛА Клиперс – Њу Орлеанс 126 – 124

Портланд – Денвер 109 – 107.