Нетанјаху: Израелската војска останува во јужен Либан, делови од Сирија и Газа

Израелската војска нема да се повлече од јужен Либан, делови од Сирија и Појасот Газа, изјави денес израелскиот премиер Бенјамин Нетанјаху, наведувајќи дека ова се „безбедносни зони“ и дека војската ќе остане во нив „колку што е потребно“.

Зборувајќи на прес-конференција, Нетанјаху рече дека Израел го победил Иран, велејќи дека оваа победа ќе „трае со генерации“.

-Иран брзаше кон нуклеарно оружје. Да не дејствувавме во тоа време и со силата што ја направивме, исто така и со неколку други земји, а подоцна и во историска соработка со американскиот претседател Доналд Трамп и американската војска, Иран веќе ќе имаше атомски бомби – рече Нетанјаху.