Невреме во Македонија

Силно невреме во повеќе градови во земјава. Обилни врнежи од дожд, но и град беа регистрани во Битола, Охрид и Прилеп.

Врнеше град со големина и до 30 милиметри. Невремето беше проследено и со ветер и грмежи.

Нестабилно време има и вечерва, особено во планинските региони на западот и во делови од Скопската котлина и Пелагонија.

Синоптичарите најавуваат дека дожд грмежи и ветер се очекуваат и во текот на утрешниот ден.

Предупредување и од АМСМ за внимателност особено на патиштата каде има опасност од одрони.