Николовски: Да ги славиме животот и љубовта, да веруваме, но и да работиме за подобро утре за сите

Генералниот секретар на СДСМ Љупчо Николовски по повод големиот празник Рождество Христово Божиќ во свое, и во име на СДСМ упати честитка до сите христијански верници кои овој празник го празнуваат по Грегоријанскиот календар, како и до Скопскиот бискуп и Апостолски егзарх во Македонија, Д-р Киро Стојанов.

„До сите верници кои денеска го слават големиот христијански празник Рождество Христово Божиќ, упатувам срдечни честитки со искрена желба за добро здравје, благосостојба и мирен духовен живот во празничните денови кои следат.

Славејќи го раѓањето на Христа, го славиме животот, ја славиме љубовта, но и меѓусебната почит и помагање.

Оваа година беше тешка за сите и овие празници ги одбележуваме во вонредни околности, одговорно, со почитување на мерките за заштита од коронавирусот.

Имаме верба, заедно сме, и заедно ќе успееме. За подобро утре за сите нас.

Драги сограѓани, да продолжиме да негуваме добри мисли, да веруваме, да правиме добри дела, да се почитуваме и помагаме како денеска така и во секој ден од годината што доаѓа. Тоа е предуслов за добар и спокоен живот на сите граѓани.

Нека ви е честит големиот празник Рождество Христово Божиќ”

СДСМ