Нов хаос во средното училиште во Демир Хисар: Новата директорка поништила оглас за вработување, наставниците не земале плата за јули?

Новоназначената директорка на средното училиште во Демир Хисар поништила оглас за вработување на определено време на 19 наставници. Огласот бил распишан од претходната директорка, со претходна согласност од Министерството за образование и наука а во пресрет на новата учебна година.

Претходно, адвокатот на незаконски разрешената директорка, на средното училиште „Крсте Петков – Мисирков“ во Демир Хисар реагираше поради постапката за службените печати на гимнзијата, за кои како што вели, надлежните институции постапиле спротивно на Изборниот законик.

Фејсбук објава на адвокатот Жарко Стеваноски.

„Откако ОЈО Битола на ден 13.08.2025 година ги одзеде службените печати на СОУ „Крсте Петков Мисирков„ Демир Хисар како доказ по кој ОВР Демир Хисар до пред распишување на Локалните избори 2025 година ревносно трагаше заради постоење на основано сомневање дека „неподобната„ директорка Маја Лозановска сторила кривично дело „Одземање или уништување на службени печати или списи„ од чл.390 од КЗ а после распишување на изборите го изгуби интересот за печатите, од Јавниот обвинител беше побарано враќање на службените печати на Маја Лозановска како актуелен директор на училиштето и ЈО беше предупреден на обврската од чл.8-а од Изборниот законик, односно дека постапката за разрешување и именување на директор на училиштето се прекинува до завршување на изборите., пишува во објавата на Фејсбук на Стеваноски.

Но, очигледно Јавниот обвинител нашол соломонско решение и одлучил спротивно на Законот за кривична постапка службените печати да ги врати на оснивачот „Општина Демир Хисар„, односно на Градоначалникот а тој, тој сосема непресметливо ги предал на новоназначениот в.д Директор да си направи промена во Централниот регистар и да се устоличи како директор ни помалку ни повеќе во екот на распишани избори, па така, на ден 25.08.2025 година во ЦР на РСМ е направена промена на директор на училиштето целосно множејќи ги забраните предвидени со изборниот законик со нула.

Јавен обвинител од ОЈО Битола предметните печати ги одзеде врз основа на сомнително издејствувана наредба за претрес од Судија на претходна постапка при Основен суд Битола. Сомнителна поради релациите партија, МВР, јавен обвинител и локална власт. Јавниот обвинител бил должен да знае дека враќање на одземените предмети може да дозволи само Основен суд Битола а не самиот јавен обвинител. Тоа е дефинирано во чл.119 ст.3 и чл.203 од ЗКП.

Вака како што тргнала работата изгледа дека законите не важат ниту за ОЈО Битола, ниту за Општина Демир Хисар кога се работи за именување и разрешување на функционери за време на избори, па останува да се надеваме дека некој од другите надлежни органи ќе ја постави точната дијагноза на состојбата во која ова се прави, и ќе препише соодветна терапија за лек против непресметливата ситуација час поскоро.

Среќа е да си власт, додава адвокатот.

На 30.7.2025 разрешената директорка М.Л. распишува јавен оглас (пред распишување на изборите) по добиена согласност од МОН, за вработување на 19 наставници на определено време, за да изведуваат настава во училиштето од 1.9.2025.

Поради нејзиното разрешување не е во можност да го заврши огласот и да изврши избор на наставници. По распишување на изборите, согласно Изборниот законик, постапката по огласот за наставници треба да биде во мирување и да продолжи по завршувањето на изборите.

На 29.8.2025 в.д. директорката Ј.Д. на наставнички совет им соопштила на наставниците дека огласот е поништен и да си ги подигнат документите од архивата, откако дел од нив на 27.8.2025 ги пушта на обука за измените на наставната програма за прва година гимназија.

Донесената одлука за поништување на огласот од страна на в.д. директорката, е спротивна на член 8-а од Изборниот законик.

На прашање од колегите зошто е поништен огласот, в.д директорката одговара дека е поради тоа што во рок од 8 дена не бил извшен изборот на наставници.

На прашање на наставниците дали да дојдат на работа на 1.9.2025, им одговара да не доаѓаат и дека ќе ги извести како ќе одлучи.

На 1.9.2025 учебната година во училиштето ќе започне само со 10 наставници на неопределено време.

Како што дознава Инфомакс, наставниците во учичиштето немаат земено плата за месец јули.