Нови детали од истрагата за убиството на 14-годишната Вања- била изнесена од зградата преку подрум

Вања Ѓорчевска била врзана и ставена во вреќа за спиење во подрумот во зградата каде живеела и потоа изнесена од зградата, објави ТВ 24 од извори на истрагата.

Клуч од подрумските простории, како и од влезната врата имал и првоосомничениот Љупчо Палевски, кој поседувал и имот во истата зграда. Инаку зградата е изградена од компанијата „Упа Ентерпрајз“, чиј сопственик бил Палевски, во која во минатото биле и канцелариите на компанијата.

Со тоа се објаснува нејзиното незабележано грабнување од зградата која се наоѓа во непосредна близина на Градскиот парк и во чија околина има многу угостителски објекти.