Ново раководство на НОМАГАС: Недим Рама назначен за претседател на Управниот одбор

НОМАГАС АД Скопје изврши промени во органите на управување и надзор, согласно одлука регистрирана во Централниот регистар.

За претседател на Управниот одбор и генерален директор е запишан Недим Рама, додека Крсте Миладинов е назначен за заменик-претседател на Управниот одбор и заменик-генерален директор.

Во Управниот одбор членуваат и Бошко Стефановски, Хајриз Бучи и Огнен Димитров.

Промени има и во Надзорниот одбор на НОМАГАС. За членови се запишани Иво Малинов, како независен член и претседател на Надзорниот одбор, Агим Махмути, независен член, како и Златко Ацевски, Катерина Гичев и Саша Ангеловски.

Промените се официјално доставени до Македонската берза согласно обврските од Законот за хартии од вредност.