Објавена голема пролетна прогноза – Балканот го чека невреме  

Метеоролозите на AccuWeather објавија голема пролетна прогноза за Европа. Како што пишуваат, некои земји ќе забележат продолжен зимски период, додека други ќе мора да се справат со потенцијално опасно време подоцна во пролетта.

Загриженост кај синоптичарите предизвикува прогнозата за невреме во југозападна Европа и зголемувањето на пролетните врнежи во јужните региони поради ризикот од поплави на локации како Италија и на Балканот.

Голем дел од Југоисточна Европа ќе се соочи со натпросечни температури во вториот дел од пролетта. Локациите од Рим до Букурешт доживеаја температури типични за крајот на април во средината на март, а овој тренд на затоплување ќе продолжи во следните неколку месеци, придружен со повремени врнежи од дожд.

Невреме треба да се очекува и на Балканот во рана пролет.