Од идната година поевтина струја за занаетчиите

– Барањата кои се однесуваа за субвенционирање на електричната енергија кај занаетчиите, микро и малите претпријатија од индустриска во домаќинска електрична енергија сè додека трае кризата, делумно се прифатени. Занаетчиите од Нова година ќе плаќаат поевтина електрична енергија. Со новите цени најголема добивка имаат малите фирми. За нив струјата ќе биде поевтина така што наместо 17 денари за киловатчас, ќе плаќаат 13 денари. Евтината, ќе чини 10 денари за киловат. Оваа цена ќе важи за 70 илјади компании, голем дел занаетчии, изјави Спасова.

ОД ЗКРСМ сметаат дека ваквото намалување на цената на струјата ќе придонесе да се стабилизираат микро, малите фирми и ќе биде од голема помош да се преброди економско-енергетската криза.

– Се надеваме дека ова што го направивме за занаетчиите, барањата, средбите со Владата, со министерствата е голем успех за занаетчиска комора на Република Северна Македонија која уште еднаш докажа дека е бори и ќе се бори во иднина за најдоброто за занаетчиите, изјави Спасова.