Од лажен профил на Фејсбук најавен протест на Левица пред ДИК

На Фејсбук денеска се појави настан креиран од извесен Винариј Анчевски со кој на 18 јуни се повикува на протест пред ДИК.

Насловен како „Протест против изборниот грабеж врз Левица“, настанот е ислустриран со изборниот материјал од Левица на која се носителите на листите во изборните единици на парламентарните избори, поради што и настанот се поврзува со партијата.

Но вечерва на официјалната Фејсбук страница на Левица се појави известување со кое се укажува дека тие не се креатори на настанот и дека се работи за лажен профил и се бара од членството да го пријават.

Од Левица најавија дека за изборните нерегуларности и како што велат украдените гласови ќе поднесат приговори до ДИК, но демантираат дека ќе протестираат пред ДИК.