Од понеделник редовна авиолинија Скопје-Женева со „Изи Џет“
Со оваа редовна авиолинуија на релацијата Скопје-Женева и обратно ќе има по два лета неделно, секој понеделник и петок, се до декември.
Потоа ќе се лета три пати неделно.
Првиот авион на скопскиот аеродром в понеделник ќе го пречекаат генералниот директор на ТАВ Македонија Метин Батак и министерот за транспорт и врски Благој Бочварски.
Оваа авиокомпанија во регионот има дестинации и во Србија, Црна Гора, Бугарија, Албанија, Хрватска, Словенија, Грција.