Официјално, Куман назначен за тренер на Барселона

Нов главен тренер на Барселона е Холанѓанецот Роналд Куман, објавено е на официјалната веб-страница на Каталонците. Договорот со холандскиот специјалист е со важност на две години.

Последното место на работа на 57-годишниот фудбалски стручњак беше репрезентацијата на Холандија, од каде нема официјални информации дека тој ја напуштил оваа функција.

Каталонскиот клуб претходно беше предводен од Кике Сетиен, кој беше отпуштен по елиминацијата во четвртфиналето од Лигата на шампионите од Баерн Минхен (2:8).