Официјално: Наполи го задржува својот најдобар стрелец во историјата

 Напаѓачот на Наполи, Дрис Мертенс, официјално го продолжи договорот за уште две години со опција за трета, објави клубот.

Белгиецот пристигна во Неапол во 2013 година и во моментов е во својата седма сезона со „небесносините“. Пред само неколку дена, 33-годишниот играч стана стрелец број еден во историјата на клубот, откако веќе има 122 погодоци.

– Среќен сум што ќе бидеме заедно подолго. Да живее Дрис!, напиша претседателот на Наполи, Аурелио Де Лаурентис на Твитер.