Oгнените синоќа во Студеничани за подршка на нивната кауза

Високи функционери на ДУИ во состав од потпретседателот Изет Меџити, организациониот секретар Блерим Беџети, градоначалникот на општина Чаир Висар Ганиу сношти по покана од поранешниот пратеник од областа д-р. Реџеп Мемеди заедно со своите соработници се сретнаа со жители на Студеничани.

Како што информира Меџити, кој е дел од огранокот на ДУИ наречен „огнените“, д-р Мемеди и неговите истомисленици од вчера се приклучиле на „каузата за промени, фер и чесна кауза, која од ден на ден добива се помоќна поддршка“.

Потпретседателот на ДУИ и пратеник, Изет Меџити во соопштение порача дека „народот се обединува во Студеничани“.

-И кога сме биле политички противници, сме го зачувале општеството, почитта, хуманоста. И кога бевме опоненти, никогаш не ги заборавивме граѓаните на Каршијака, ДУИ и оние кои не не поддржаа, рече Меџити пред присутните.

Меџити од Студеничани апелираше што повеќе чесни луѓе да се приклучат на каузата, за да бидат, како што рече, посилни.