ОХЦР: Повеќе од 4.000 цивили се убиени од почетокот на војната во Украина

Повеќе од 4.000 цивили се убиени во Украина од почетокот на руската инвазија врз таа земја на 24 февруари, иако реалната бројка е веројатно многу поголема, соопшти денеска Канцеларијата на ОН за човекови права (ОХЦР).

Според податоците на ОХЦР, која има десетици набљудувачи во Украина, загинале вкупно 4.031 цивил, меѓу кои и речиси 200 деца.

Повеќето се убиени од оружје со голем дострел, како што се тешки артилериски гранати или при воздушни напади.