Околу 60 автобуси на ЈСП ќе се вратат на скопските улици

Новиот скопски градоначалник Орце Ѓорѓиевски најави дека очекува околу 60 автобуси на ЈСП деновиве да се вратат на скопските улици.

– Веќе разговараме со дел од стручните служби на ЈСП Скопје, што не го опфаќа директорот и раководството за кои во изминатиов период видовме дека нивниот капацитет како да не постои односно, дека е деструктивен за претпријатието и за јавноста. Ќе бидат итно преземени чекори во насока на адаптирање на сите автобуси кои со месеци стојат неисправни – рече Ѓорѓиевски.

Утре, Ѓорѓиевски ќе има средба и со претставниците на приватните превозници кои го опслужуваат јавниот градски сообраќај во Скопје со кои ќе се договара како зимава студентите, учениците и другите граѓани да не мрзнат на постојките.

– Веќе утре ќе имам состанок со сите приватни авто-превозници и околу 60-тина автобуси ќе бидат пуштени во оптек. Тоа во првиот момент ќе го нормализира транспортот за да не дозволиме, оти доаѓа зима, студентите, средношколците, граѓаните и повозрасните лица да чекаат на ред за автобусите и да ја поминуваат голготата што беше во изминатиот период – рече Ѓорѓиевски по примањето на уверението за градоначалник.

Тој најави и брза ревизија во работењето на јавните градски претпријатија