ОН: Дипломатското решение за војната во Украина е во опасност да избледи поради новите напади

Помошникот на генералниот секретар на Обединетите нации, Антонио Гутереш, Мирослав Јенча, на итна седница на Советот за безбедност на Обединетите нации во Њујорк изјави дека дипломатскиот замав кон можен мировен договор во војната во Украина „е во опасност брзо да избледи“, ако продолжат руските напади од големи размери.

Во обраќањето на седницата на СБ на ОН, која се одржа вчера попладне по локално време, откако Русија во текот на ноќта на 28 август изврши напади врз украинските градови во кои загинаа најмалку 25 лица, Јенча рече дека растечкиот број на жртви во Украина е во спротивност со неодамнешните напори да ѝ се даде шанса на дипломатијата, соопштено е на интернет-страницата на ОН.

Тој потсети дека Русија, според украинските функционери, лансирала 598 дронови и 31 ракета против Украина во текот на ноќта меѓу 27 и 28 август, а во нападот исто така тешко се оштетени и дипломатските простории на делегацијата на Европската Унија во Киев и зградата на Британскиот совет.