Џонсон и Помпео разговараа за Хонг Конг, Иран, Блискиот Исток….

Американскиот државен секретар Мајк Помпео и британскиот премиер Борис Џонсон денеска разговараа за кинеските активности во Хонг Конг и за нејзиното постапување со муслиманите во Ксинџијанг, соопшти Даунинг стрит.

Британските медиуми јавуваат дека двајцата разговарале за заедничките прашања во врска со глобалната безбедност и надворешната политика, вклучувајќи ги кинеските активности во Хонг Конг и Ксинџијанг, ситуацијата во Иран и мировниот процес на Блискиот Исток.

Премиерот и државниот секретар, исто така, ја истакнале посветеноста кон преговорите за силен трговски договор меѓу Велика Британија и САД, што ќе биде од полза за економиите на двете земји.

Џонсон и Помпео, исто така, се осврнале и на смртта на 19-годишниот Британец Хари Дан, кој загина во судир со сопруга на американски дипломат, за што премиер Џонсон изјавил дека британскиот народ силно чувствувал дека правдата мора да биде задоволена.

Back to top button
Close