Опожарен автомобил во Куманово

Утрово е опожарен автомобил во Куманово, случајот е пријавен во СВР Куманово. По увидот, полицијата констатирала дека пожарот бил подметнат, возилото било испрскано со течност и било запалено.

– Денеска во 05:10 часот во СВР Куманово лицето Б.Ц. пријавил дека на улицата „Моша Пијаде“ во Куманово има опожарено возило марка „ланд ровер“ сопственост на А.Г. Пожарот е локализиран од страна на сопственикот и негов сосед. По насоки на дежурен ЈО увидна екипа на ОКТУПА при СВР Куманово извршила увид на самото место при што е констатирано дека пријавениот пожар е подметнат од страна на непознат сторител на начин што со непозната течност возилото е испрскано во различни делови, по што течноста е запалена, а сторителот без да биде забележан од никого се оддалечил од местото на настанот, соопшти МВР.

Причинета е материјална штета околу 120.000 денари.