Ѓорческа четвртфиналистка на турнирот во Куршумлиска Бања

Македонската тенисерка Лина Ѓорческа се пласираше во четвртфиналето на турнирот од серијата 75 во Куршумлијска Бања, откако попладнево ја совлада Анастасија Золотарева со 2-0 во сетови.

Ѓорческа го обезбеди пласманот меѓу осумте најдобри тенисерки на турнирот, препуштајќи ѝ на противничката само три гемови во вториот сет во натпревар кој траеше 75 минути.

Во четвртфиналето утре македонската тенисерка ќе игра против Лили Тагер од Австрија која со 2-0 (6-4, 6-4) ја совлада Тена Лукас од Хрватска.

Двете тенисерки се сретнаа во неделата во финалето на турнирот во Букурешт, во кое Тагер ја совлада Ѓорческа со 2-1 во сетови.