Османи: Фактот што ОБСЕ беше спасено во Скопје претставува огромен успех за нашата дипломатијата

Министерот за надворешни работи Бујар Османи во интервју за Слободен печат вели дека тоа што советот на ОБСЕ бил спасен во Скопје претставува огромне успех за македонската дипломатија.

„Можеше ОБСЕ да пропадне во текот на нашето претседавање. Замислете кое е тоа историско наследство што ќе го оставиме ние. Бидејќи сите предуслови, до една недела пред Советот во Скопје, сите беа убедени дека во Скопје ќе се исклучат светлата на ОБСЕ. Сето тоа беше дел од едно успешно менаџирање на 57 земји учеснички, во кој што за четворица земји кандидати и една земја претседавач се усогласија и Русија, и Украина, и САД, и НАТО земји и ЕУ земји. Тоа не можеше да се замисли до пред неколку недели пред самиот Совет,“ рече Османи.

„Нас ни недостасува можност- експозиција, како можност за да се покажеме. Значи, системот во МНР, во кој јас имав одредени сомнежи, во квалитетот, во можноста, желбата… се покажа беспрекорен. Се покажа дека нас не ни недостасува капацитет, туку можност да се покажеме“, заклучи министерот.