Османи на средба со Вархеји: Регионот е уморен од чекање, страда кредибилитетот на Унијата
Министерот за надворешни работи Бујар Османи оствари средба со еврокомесарот за соседство и проширување на ЕУ, Оливер Вархеји, кој е во работна посета на Скопје, а во фокусот на разговорите било ставено европското досие на нашата држава, во пресрет на јунските совети и очекувањата за нужен исчекор во поглед на отпочнувањето на пристапните преговори, особено во дадениот момент, информираат од Министерството за надворешни работи.
Претходно, Вархеји се сретна и со премиерот Ковачевски, со кој исто така зборувале за деблокада на евроинтеграциските аспирации на С Македонија.
„Северна Македонија досега покажа исклучително ниво на посветеност за напредокот на земјата на нејзиниот пат кон Европската Унија. Дополнително, постигнавме 100-процентно ниво на усогласување на државата со Заедничката надворешна и безбедносна политика на Унијата. Време е и Европската Унија да пружи рака кон државите од Западен Балкан и јасно да демонстрира дека иднината на регионот е европска. Регионот е сѐ повеќе уморен од чекање, со што страда кредибилитетот на Европската унија“,
порача Османи.На средбата станало збор и за напорите во надминувањето на разликите меѓу Бугарија и Северна Македонија, како приоритет да се одблокира нашиот пат кон ЕУ, се додва во соопштението на Министерството.