Османи пријавил дека профилот на „Твитер“ му е хакиран – Профилот е преименуван во „Sheldon The Sniper“

Министерот за надворешни работи Бујар Османи пријави во полиција дека му е хакиран официјалниот и верификуван твитер-профил. Шефот на македонската дипломатија за ова ја известил и социјалната мрежа.

Профилот е преименуван во „Sheldon The Sniper“, a променети се и сите информации, како и профилни фотографии. Инаку, вистинскиот Sheldon The Sniper е крипто трејдер и е дел од YouTube канал кој објавува содржина поврзана со крипто валути.

“Мојот официјален и верификуван твитер-профил, како министер за надворешни работи, @Bujar_O (Бујар Османи), денес беше предмет на хакерски напад и преземен од страна на непознати лица”, објави синоќа Османи.

Тој додава дека она што е во моментотв на неговиот профил на „Твитер“ не претставуваат неговите интенции, активности, ставови, убедувања, ниту претставуваат официјални ставови на институцијата.