Откриена е можната причина за смртта на ќерката на Томи Ли Џонс

Според аудио-снимката од повикот на 911, инцидентот бил класифициран како „код 3“, што се однесува на промена на бојата на кожата предизвикана од недостаток на кислород во крвта, состојба позната како цијаноза. Полицијата во Сан Франциско досега потврди дека нема индикации за кривично дело.

Ќерка на добитникот на Оскар, Томи Ли Џонс
Викторија Џонс беше ќерка на добитникот на Оскар, Томи Ли Џонс, и неговата прва сопруга Кимберли Клафли, со која актерот има син, Остин. Џонс беше во брак со Клафли од 1981 до 1996 година, а во 2001 година се ожени со својата трета сопруга, Дон Лорел.

Викторија се обиде и во глумата. Првпат се појави на големото платно во 2002 година во филмот „Men in Black“, во кој глумеше заедно со нејзиниот татко и Вил Смит. Учествуваше и во популарната серија „One Tree Hill“, додека нејзината последна филмска улога беше во вестерн драмата „The Homesman“ од 2014 година, која ја режираше нејзиниот татко.

Томи Ли Џонс претходно отворено зборуваше за својот професионален однос со својата ќерка во интервјуа, па еднаш раскажа како морал да ја отстрани од проектот затоа што не се појавила на време на снимањето, нагласувајќи дека нема никакви привилегии на снимањето на филм – дури ни за неговите сопствени деца.

Проблеми со законот во минатото
Американските медиуми исто така потсетуваат на проблемите на Викторија со законот. Во 2011 година, таа беше уапсена за кражба, но обвинението подоцна беше отфрлено. Во текот на 2025 година, таа беше уапсена двапати – еднаш за поседување и консумирање контролирани супстанции без рецепт, а потоа за обвинение за лесна форма на семејно насилство. Во двата случаи, таа се изјасни за невина.

Истрагата за точната причина за смртта е сè уште во тек, а семејството сè уште не даде јавна изјава.

Извор: nezavisen.mk