Отпуштен диригентот на Минхенската филхармонија поради поддршка за Путин  

По ултиматумот кој градоначалникот на Минхен Дитер Рајтер му го даде на главниот диригент на Минхенската филхармонија Валериј Гергијев јавно да се огради од поддршката на Владимир Путин, што маестрото не го направи, тој доби отказ.

Според Њујорк Тајмс, Гергијев, и покрај повикот да го стори тоа, одбил јасно да ја осуди војната во Украина. Инаку, многу други културни институции во Европа ја прекинаа соработката со познатиот диригент.

Одлуките беа донесени брзо: 68-годишниот веднаш беше заменет со друг диригент на три концерти со Виенската филхармонија во познатата њујоршка Карнеги хол.