Отворена истрага против Ѓукановиќ

Специјалното државно обвинителство на Црна Гора формирало предмет по повод тврдењата на албанскиот нафтен тајкун Резарт Тачи, кој го спомнува црногорскиот претседател Мило Ѓукановиќ во контекст на меѓународното перење пари и сомнителни исплати поврзани со италијански државјани.

Како што изјави Ѓукановиќ, тој ќе се јави на повик на кој било државен орган.

Станува збор за целосно исконструирана афера. Од кабинетот претходно беше соопштено дека не знам за кои лица станува збор, ниту сум имал каков било контакт со нив. И банката (Прва банка) кажа дека со тие луѓе никогаш немала контакт – рече тој.