Пациент заразен со Ковид 19 избега од болницата во Штип
84-годишен пациент заразен со вирусот Ковид 19 избегал вчера попладнето од модуларната болница во Штип, но подоцна бил вратен од полициски службеници.
„На 26.09.2021 во 15.47 часот во СВР Штип, од модуларната болница при Клиничка болница Штип било пријавено дека 84 годишен пациент ја напуштил болницата. Од страна на полициски службеници од Полициската станица Штип лицето било пронајдено на градскиот плоштад во Штип и со возило на Итната медицинска помош вратено во болницата“, велат од МВР.
