Падна Х, социјалната мрежа е недостапна за корисниците ширум светот
Социјалната мрежа X, порано позната како Твитер, денеска е недостапна за десетици илјади корисници ширум светот, објави Downdetector.com, услуга што ги следи прекините на интернет услугите.
Проблемите започнаа околу 16 часот, кога многу корисници пријавија проблеми со поврзувањето со серверите и X. Важно е да се напомене дека Downdetector ги евидентира само проблемите пријавени од самите корисници, па затоа вистинскиот обем на прекинот може да не биде целосно видлив.
Компанијата X сè уште не ја објави причината за падот.
Корисниците се соочиле со тешкотии во работата и претходниот ден, наведува Downdetector.
Според податоците од платформата за програмери на X, „намалени перформанси“ се забележани во петокот при најавување во системот, а проблемите сè уште траат. X, во сопственост на Илон Маск, минатата година објави дека има околу 250 милиони дневни активни корисници. На 28 март, Маск објави дека ја продал платформата на неговата компанија за вештачка интелигенција xAI.
