Палчо тврди дека бил во банка на денот на убиството на Вања, извршил трансакција во 11.44 часот, но според обвинителатвото девојчето веќе било убиено до 9.30 часот, па доказот нема вредност
На денот на убиството на 14-годишната Вања Ѓорчевска, обвинетиот Љупчо Палевски тврди дека бил во експозитурата на Халк банка во Буњаковец. Тој во листата на докази приложил уплатница со извршена трансакција на 27 декември 2023 година, во 11 часот и 44 минути. Сега од судот бара да се обезбеди снимка од камерите на банката за да се види во колку часот точно дошол во банката и колку време се задржал, пренесе Фокус.
Според обвинителството, пак, Ѓорчевска веќе била убиена до 9 часот и 30 минути, па затоа овој доказ воопшто не е релевантен за случајот.
-Оваа снимка не е од интерес за постапката, бидејќи од презентираните видео записи од ,,Сејф сити”, на 27 декември 2023 година, произлезе дека возилото ,,рено кангу” управувано од Палевски во 10 часот веќе се враќа во политичката партија Десна, а времето од упплатницата е 11 часот и 44 минути, истакна обвинителката.
…
