Пандев: За нас е подобро другите да не гледаат како аутсајдери на ЕУРО 2020
Капитенот на македонската фудбалска репрезентација Горан Пандев во интервју за австрискиот весник „Кроне“ порача дека на „црвено-жолтите“ би им одговарала улогата на аутсајдер на претстојното ЕУРО 2020.
– Претпочитам сите да гледаат на нас како аутсајдери за да го покажеме нашиот вистнски фудбал. Ние ја обожуваме таа улога, изјави Пандев во интервјуто.
Капитенот истакна дека фудбалерите ќе го дадат својот максимум достојно да ја презентираат македонската држава на голема сцена.
– Чувството да се подготвуваш со репрезентацијата за настап на Европското првенство е прекрасно. Ние живееме за нашата земја, сега имаме шанса да ја презентираме на големата сцена и ќе дадеме сè од себе гордо да се бориме за нашето знаме, додаде Пандев.
