„Се молам за сите кои се убиени како резултат на „гревот на расизмот“ – Папата Франциск го осуди расизмот во САД

Папата Франциск денеска првпат се огласи по повод немирите во САД, порачувајќи дека никој не смее да „затвора очи пред расизмот“.

Тој, исто така, го осуди насилството како „самодеструктивно и самопоразувачко“.

Поглаварот на Римокатоличката црква со голема загриженост ги следи вознемирувачките социјални немири во САД во изминатите денови, по смртта на Афроамериканецот Џорџ Флојд.

Папата се помоли за национално помирување и мир во САД. Тој оцени дека смртта на Џорџ Флојд е трагична, додавајќи дека се моли за него и за сите кои се убиени како резултат на „гревот на расизмот“.