Папата Франциск повторно повика за мир во светот и се заблагодари на оние што го лекуваат

Папата Франциск во денешната порака им се заблагодари на здравствените работници кои го лекуваат во римската болница „Гемели“ и го повтори својот повик за мир во воените зони ширум светот.

Како и претходните недели откако Папата (88) беше примен во болница на 14 февруари, неговата порака беше објавена од Ватикан.

Папата повика на мир во Украина, Појасот Газа, Израел, Либан, Мјанмар, Судан и Демократска Република Конго.

Ватикан синоќа соопшти дека клиничката состојба во последните неколку дена му останува стабилна и тој добро реагира на терапиите.

Папата покажал „постепено, мало подобрување“ во последните денови.

Лекарите синоќа информираа дека е во стабилна состојба, без треска и добро ниво на кислород во крвта.