Папата Лав XIV ја обновува традицијата, нема да живее таму каде што живеел Франциск

Според неколку ватикански службеници, се очекува папата Лав XIV да живее во Апостолската палата на Ватикан, за разлика од покојниот папа Франциск, кој живеел во Каса Санта Марта.

Папските апартмани го зафаќаат горниот кат од Апостолската палата, зграда од 16 век со поглед на плоштадот Свети Петар. Тие содржат околу 10 соби, вклучувајќи спална соба, приватна библиотека и трпезарија, кујна и капела.

Во моментов е во тек реновирање на палатата, а се очекува Лав XIV наскоро да се всели, изјави за Ројтерс висок ватикански службеник, кој побара анонимност. Друг функционер додаде дека Ватикан сметал дека ќе биде полесно да се обезбеди безбедноста на новиот папа во палатата отколку во хотелот каде што живеел Франциск.