Пендаровски: Бугарските историчари упатувале навреди кон македонските

Претседателот Пендаровски, во своето вечерашно гостување во емисијата „Патот кон“ на Алсат, рече дека македонските претставници во Комисијата за историја биле цел на навреди од страна на нивните бугарски колеги. Како што рече тој, за време на децениските преговори со Грција, такво нешто се нема случено.

„Не се памети дека некој грчки преговарач или соговорник, во тоа време, да дојде и да му каже на македонскиот преговарач – ти не си Македонец. За жал, такви ситуации, неформално, се случувале во историската комисија“, вели Пендаровски.