„Не гледам дека во блиска иднина ќе има промени во политиките за проширување на ЕУ“, изјави поранешниот претседател на Македонија, Стево Пендаровски. Во обраќање на дебатата „Навигација на европскиот пат: можности и предизвици“, Пендаровски порача дека војната во Украина е катализатор за европската безбедност и за нејзината надворешна политика, вклучително и проширувањето, но дека ЕУ не успеа да постави нови стандарди на тој план.

Кристоф Бендер, потпретседателот на Европската иницијатива за стабилност, пак, порача дека патот кон ЕУ за целиот регион е најдобар со целосно членство во Унијата.