Пендаровски за реакцијата кон Апасиев: Свесно влегов во таа нечуена работа!

Претседателот Стево Пендаровски во интервјуто за неделникот „Фокус“ вели дека не се кае за неодамнешната жестока реакција кон лидерот на Левица Димитар Апасиев.

-Сосема свесно влегов во коментар на таа нечуена работа, не само кон мене, туку кон една институција. Можев да речам – не коментирам, нека му служи на чест. Но, во овој случај не станува збор за обичен граѓанин. Мене, како и другите политичари, на дневна основа, по социјалните мрежи секој ден нѐ нарекуваат со најразлични погрдни изрази, пцовки. Меѓутоа, едно е приватно лице-граѓанин да го прави тоа, а сосема друго е кога имаш пратеник, кој претендира утре да биде власт. Ако тој на таков начин се обраќа кон институциите и во секоја втора јавна објава вика ќе колеме, ќе бесиме, ќе ве стреламе, што ќе прави од позиција на власт? Сакав да предупредам дека тоа е многу опасна пракса – посочува Пендаровски.

Откако Апасиев упати пцовка кон Пендаровски, тој за лидерот на Левица употреби зборови како психопат, ушмркан и гнида од човек, што покрена дебата дали оваа реакција кон провокацијата е соодветна.

Back to top button
Close