Пет дена, 15 штандови со улична храна, пет музички настани на Skopje Street Food Festival

Skopje Street Food Festival ќе се одржува во центарот на Скопје во организација на Бистро Комедија. На просторот пред Театар Комедија, во периодот од 14 до 18 јуни се претставуваат 15 штандови со храна во вечерните часови.

Фестивалскиот настан е придружен со музика од пет диџеи за секој засебен ден, а главната цел е да се поддржат малите бизниси од страна на граѓаните. На ова издание на Street Food Festival се претставуваат Mustacos, Jes Pasta, Matto Napoleano, Bubble Waffle Skopje, Kitchen, Jojo BBQ, Scoop Gelato, Taco’s jam,Oljo’s street food, Hand Made Noodles, Pasta Linda, Three Hundred Rabbits, More Mania, Thai Box, Dren, Brunch Box Eatery и FJ Culinary Consoltants, кои се распределени во различни денови.

Трансформацијата на неискористените јавни простори и паркиралишта во места за уличните продавачи на храна е тренд проширен во изминативе неколку години низ европските градови, којшто во Скопје досега беше недоволно развиен.

За музичкиот дел програмата е следна: на 14 јуни се претставува со диџеј сет Session Selection, потоа наредниот ден на 15 јуни публиката ќе може да ги чуе Day Off The Next Generation, Doulbe G е на 18 јуни а последните два дена ќе настапат Dj Pari (USA)/Bojan Chakra и In the mood.

Skopje Street Food Festival е настан кој ќе ви овозможува на едно место да ја пробате најкултната улична храна во Скопје. На фестивалот ќе земат учество 15 урбани локали кои ќе имаат можност на лице место да ги приготват своите најдобри улични специјалитети.

Извор: Трн