Петков: Лажна вест е дека сакам сам да го кренам ветото

Бугарскиот премиер Кирил Петков кажа дека ги смета за лажни вести информациите дека сака сам да го крене ветото за почеток на пристапните преговори на ЕУ со Македонија, на денешната заедничка прес-конференција со еврокомесарот за проширување Оливер Вархеји во Софија. Петков вели дека Софија има три барања за Скопје.

-Последните денови слушав невистинити тврдења, дека бугарската влада има две надворешни политики и што сè не. Сакам јасно да кажам дека Бугарија има три јасни барања за да имаме напредок на темата Северна Македонија. Прво, запазување на рамковната позиција која што беше усвоена во бугарскиот парламент. Второ, вклучување на Бугарите во Северна Македонија во уставот на Северна Македонија за да можат нивните права да бидат заштитени. Трето, да се исполнува Договорот за добрососедство. Тоа се нашите дискусии, претходно и сега, и работиме заедно да видиме дали е возможно ЕУ да биде гарант за овие три услови“, изјави Петков

Back to top button
Close