Писториус бара да се забрзаат набавките за германската армија

Германската армија мора да го забрза купувањето оружје и опрема додека земјата се адаптира на новите безбедносни предизвици, изјави денеска министерот за одбрана Борис Писториус при неговата посета на Агенцијата за набавки во Кобленц.

– За да можеме да го направиме тоа, треба да станеме поагилни, поинвентивни и побрзи. Не станува збор за работата на поединечните вработени, туку за процесите и процедурите, нагласи Писториус.

Според него, барањата само ќе продолжат да се зголемуваат со оглед на пораст на бројот на војници и поради што иновации стануваат сè побрзи и побрзи.

– Покрај тековниот буџет, централната канцеларија за набавки на Бундесверот досега вложи неверојатен напор во управувањето со фондот за модернизација од 100 милијарди евра, создаден по руската инвазија на Украина во 2022 година. Сега предизвикот за иднината е што ќе треба да се трошат стотици милијарди евра секоја година, наведе Писториус.