По снежното невреме, регионот погоден од силни мразеви и исклучително ниски температури

По обилното снежно невреме, регионот се соочува со силни мразеви и температури кои ноќва се спуштаат до –10°C. Студениот бран од север донесе екстремно ладно време во Хрватска, Босна и пошироко.

По обилното снежно невреме што во изминатите денови зафати голем дел од регионот, особено териториите на Хрватска и Босна каде снежната покривка во некои области надмина 50 сантиметри, овие предели ноќва се соочуваат со нагло заладување и силни мразеви.

Продорот на многу студена воздушна маса од север предизвика значителен пад на температурите, па така речиси насекаде се бележат вредности под нулата. На пониските и затскриени локации, температурите се спуштаат до околу –10°C, што дополнително го отежнува состојбата на терен по снежните врнежи.

Според актуелните метеоролошки мерења, студениот бран го зафати целиот регион, а на синоптичките карти јасно се воочуваат екстремно ниските температури кои ја одбележуваат оваа ноќ.

Граѓаните се повикуваат на претпазливост поради можни појави на голомразица и замрзнат коловоз, како и внимателно движење низ областите со висока снежна покривка