По укинувањето на задолжителните тестови над 300 македонци со 5 автобуси вчера го „окупирале“ Врање

Неколку туристички агенции од Македонија, веднаш по укинувањето на епидемиолошката контрола и задолжителните тестови за коронавирусот, веднаш започнаа да организираат еднодневни патувања во најблиската соседна општина во Србија, пишува Данас.рс.

„Врање, кој е оддалечен околу 60 километри од Куманово и помалку од 100 километри од Скопје, вчера, во текот на денот, до затворањето на кафулињата и рестораните во 20 часот, беше под вистинска „опсада“ на соседите од Македонија. Туристичките агенции нудеа автобуски превоз од Куманово до Врање и назад по цена од 350 денари, што е близу седум евра или нешто повеќе од осумстотини динари.

Аражманот не нуди никаква организирана туристичка турнеја, но повеќето од околу триста Македонци го искористија денешното патување во Врање за да ги посетат рестораните и кафулињата во Врање, а ‘епицентарот‘ на патувањето беше продавница во неодамна отворениот хипермаркет на компанијата ‘Лидл‘ каде за време на целиот ден имало огромна гужва. Луѓето беа забележани во текот на денот и на локалниот пазар и локалните бутици“, пишува медиумот.