„Побрзо, повисоко, посилно – заедно“ е новото мото на Олимписките игри

 – Олимпиското мото е сменето на сесијата на Меѓународниот олимписки комитет (ИОК) во Токио (Јапонија). Тоа е одобрено едногласно.

Сега мотото ќе звучи вака: „Побрзо, повисоко, посилно – заедно“.

Претходното мото гласеше: Побрзо, повисоко, посилно! Ова мото беше одобрено од првиот Олимписки конгрес уште во 1894 година.

Новото мото го предложи претседателот на ИОК, Томас Бах.

– Ова е значаен настан, напиша Бах на социјалните мрежи.

Летните олимписки игри во Токио ќе се одржат од 23 јули до 8 август.